معظم الجوازات التانية فاشلة ببساطة لأن الزوجة التانية بتطوع لإصلاح حياة حبيبها 

لا يا قلب أمك هو يسترجل و يصلحها و ييجي يستمتع بجمال علاقتكوا بعد ما يعمل كده 

انما انك تشيلي راجل ببيته الأول، فبعد ما كنتي شايلة نفسك بالعافية و قادرة تدلعيها بالزق ! 

تشيلي كل اللحم ده 

مش منطقي يا حبيبتي 

—————-

في مرة جاتلي واحدة بتقوللي مراته الأولى ساومتها على نسبة في شركتها عشان توافق على الجوازة و متعملهومش مشاكل ! 

و واحدة تانية تقوللي انا بجيب لعيالها زي ما بجيب لعيالي ! 

ده ناهيك عن الدعم النفسي اللي بتقدمه الزوجة التانية و بيساعده يقوم البيتين !

لا بجد مين أقنعك انك مفروض تقدمي قرابين عشان اللي بينكوا ده يسترجل !!!! 

——————-

فوقي كده و إفهمي ان الجوازة دي مفروض تكون ألطف و أروق من الجواز التقليدي لأن اللي بيقومها راجل حر ذكي

و انك واخداه بخبرته دي عشان يدلعك و يصبر عليكي و يزودك مش يعتمد عليكي !!!  

هو مش عيل بتلمي وراه !!! 

و مراته الأولى دي مش مامته بتستأذنيها !!!! 

و انتي مش بتطلبيه من الأساس ولا بتسعي له !!!! 

بوظتوا الشغلانة