كل مره بتكلم مع حد و بكون صريحة جداً اني مش في حالة تسمح ببدايات و بكون واضحة جداً اني حتى مش فاتحة باب الفرص مش لأني في علاقة ولا لأني مخلصة لحد و مستنياه … لكن ببساطة قلبي مكسور و دي مسؤوليتي تجاه نفسي اني أكون كويسة اني أتجاوز اني أتألم و أصبر
مش عايزه حد حواليا في المرحلة دي و مش ناقصني علاقات اجتماعية لأني ببساطة معنديش اللي أديه فيها
لو هنعتبرها أنانية فتمام أنا أنانية لحد ما أبقى كويسة لكن مش هتكلم مع الناس و أأذي عشان خاطر أبقى كويسة بسرعة أكبر ! كفاية اللي أذيتهم في الرحلة دي
بقالي سنة ببرر اني سينجل و برفض كلام و ارتباطات و بأعتذر لناس اديتهم فرص و خربتها و بكتب مقدمة أد البحر عشان محدش يتعلق ولا يفكر فيا بشكل عاطفي !
شايفة ان الانسان حر يآخد وقته و الناس الحقيقية هتكون موجودة بدون ضغط بدون لوم بدون توقعات بدون محاولات للقرب انا موافقتش عليها
و أسهل حاجة في الدنيا اني أتسلى و أركب الفرص و أستخدم الناس
بس ببساطة ده مش أنا ❤️
2
-2
