= يبني امك و ابوك كانوا بيجامعوا بعض
- لا لا لا متقوليش كده امي ست محترمة
= طب و على فكرة باباك كان بيبسطها جداً
- احترمي نفسك انتي بتتكلمي على مامتي كده ازاي !
= طب خد التقيلة، مامتك كانت بتحب الموضوع أوي و هي اللي بتطلبه
- بس يا ………
= و لما كان بيجامعها كانت بتقوله كمان كمان
- لاااااااااااااااا كفاية حراااااااام عليكي انتي ليه بتعملي فيا كده ! انا أمي ست شريفاااااااااااعععععععع
= ما هما كانوا متجوزين على سنة الله و رسوله يبني
- ولو
= طب انت ليه حاسس ان مامتك مكانتش كده ؟
- عشان مشوفتش منها كده، امي كانت عايشة عشان تربينا و بس
= مش حقيقي يبني ابوك كان بيحبها جداً و بيعمل معاها كل اللي هي عايزاه ! ما أكيد مش هيعملوا ده قدامكوا يعني
- لو كانوا بيعملوه جوا الاوضة كنت هعرف
= هتعرف ازاي ؟
- انا بفهم ماما مبتخبيش عليا حاجة
= لا بتخبي عليك حجات كتير طبعاً سواء في ماضيها او حاضرها او حتى مستقبلها
- انتي بتقولي ايه ! انا أمي ست محترمة
= و هي الخصوصية قلة إحترام ؟! الست حرة تخبي اللي عايزه تخبيه
- لأ مستحيل، انا عارف عنها كل حاجة زي ما هي عارفة عني كل حاجة
= يا حبيبي انت ابنها سهل تقررك على الحجات، هي خبرتها اكبر منك و بتأثر عليك طبقاً للمشاعر الطيبة بينكم، انت تفتقر للخبرة دي فمتعرفش عنها غير اللي هي عايزاك تعرفه، و ده شئ طبيعي في الآخر هي اللي مسؤولة عنك و العكس مش صحيح
- بردو مامتي مكانتش بتحب العلاقة الجنسية، لا لبسها ولا طريقتها في البيت بتقول كده خالص
ده هي و بابا مكانوش بيبوسوا بعض حتى قدامنا
= اه مظبوط و ده لأننا في مجتمع شرقي بيراعي العادات و التقاليد و بيكونوا خايفين لتقلدهم فبيلبسوا كل البنات في البيت جلاليب و الولاد بنطلونات و بيعملوا حدود قوية فيما يخص التلامس و لأنهم قدوة فبيعملوا كده قدامكم بس، لكن و هما لوحدهم كانوا بيعملوا كل حاجة سوا و ميبعدوش عن بعض سنتيمتر
- كان هيبان عليها بردو
= طب ايه رأيك انها كانت بترقص لوالدك الله يرحمه، و كانت بترصله الشيشة و كانت مدلعاه اخر دلع … كل يوم لانچيري شكل و ميكب شكل و ست فرفوشة جداً
- أمي انا !!!! امي مبتقلعش عباية البيت
= انت عارف ان عباية البيت دي في حد ذاتها سيكسي جداً بس انت عشان عيل صغير مكنتش فاهم الكلام ده
- ازاي بقى ! دي عباية بيت محترمة خالص
= لأ لحد هنا كفاية بقى، ربنا يعينك ع المهلبية اللي في دماغك ♥️
——————————
فانتازيا ان الأم مبتجامعش دي خربت دماغ رجالة كتير حقيقي و بقت مقرفة لدرجة مش طبيعية
يكفي مشكلة انه يكون شايفك ام العيال و عايش هو بره البيت و مقضيها.
#آية_الغمري
2
-2
