بحب الأطفال الرفيعة
أيوة اللي جسمهم صغير دول
الجسم مش مفروض يتخن عشان الطفل يبان صحيح
و زي ما في تربية اخلاقية و دينية في تربية بدنية
و التربية دي أساسها ان الطفل هو اللي يتعلم جسمه محتاج ايه و يروح يمد ايده يآكله بنفسه
ف دورك انتي كأم تسهيل عملية ان الطفل يآكل بنفسه بانك تحضري سناكس و تسيبيها في التلاجة او تغسلي فواكة و تقطعيها في علب او تحضري بسكويت و مخبوزات
المهم وقت ما يعوز يآكل يعرف يعمل ده
ميفتحش التلاجة و يقفلها عشان شايفها مليانة حجات بس مفيش حاجة منهم متحضرة او يقدر يآكلها
كل ساعتين يحط في بؤه سناك لا هيلحق يجوع فيآكل كتير يضر جسمه ولا هيكون حاسس بتخمة تصعب عليه اللعب و الحركة و الرياضة و غيره.
اللايف ستايل بالشكل ده هيكون مكلف سيكا عن انك تحضري ال ٣ وجبات
بس هيعلم الطفل حجات كتير حلوة عن نفسه و جسمه
و شوية شوية دخليه المطبخ يعمل وجبات لنفسه سريعة التحضير
و ده كمان هيكون فيه هادر الى حد ما بس هيتعلم و هيبقى ايده بإيدك مش شايلة طول الوقت لوحدك
في الآخر انتي بتأسسي بني آدم مش بتعلفي فرخة.
2
-2
