= دي فيمينست وعندها جمعية نسوية مشهرة ..... واتجوزت واحد متجوز عادي وفي السر كمان !!

- في السر ازاي و انت عارف ؟ 

= ما انا عرفت من صورهم 

- كان مفروض يكلموك يستأذنوك تقريباً بس معلش خليها عليا … ايه مشكلتك ان فيمينيست تكون زوجة تانية وللا تالتة وللا رابعة ؟

هو الفيمينيزم ضد الإسلام وللا ايه !!!! 

ده الإسلام كرم المرأة أحلى و أحسن تكريم في الدنيا

فمعلش انت حاسس التناقض في ايه بالظبط ؟ 

= ازاي يعني تقبل على نفسها تكون زوجة تانية ؟ 

- انا بردو مش قادرة ألمس المهانة فين بالظبط !! 

يعني لا بتقول انه مزعلها ولا مضايقها ففين مشكلتك ؟ 

هي مرتبة في الدوري الممتاز وللا في حاجة متعلقة بترتيب الزوجات هتآخد ميدالية عليها ؟ 

= انا أقصد ان الست تحب تبقى ملكة متوجة على عرش البتنجان و محدش يشاركها في جوزها الخ الخ 

- و مين قالك انها مش ملكة ؟ و مين قالك انه ميعرفش يخليهم كلهم ملكات عادي ! 

طب ده للتعدد كان منتشر بين الملوك من أيام الفراعنة … شوف و دول الفراعنة اللي بنضرب بيهم المثل في الإيجو يعني 

انت عملت الزواج تاني شتيمة زي ما اقولك امشي يله يا جامد انت بس بطريقة تحسسك ان جامد شتيمة 🤡

خف حنيكة