ايه هي الرجولة ؟ 

صرف ؟ 

بيت مفتوح ؟ 

وجهات نظر معينة في الأمور ؟ 

نظرة أنثى ما ليك، حتى لو نظرها قاصر ؟ 

مواقف ؟ 

جدعنة في المطلق مش مهم مع مين ضد مين و اللي انت بتتجدعن معاه ده على حق وللا لأ ؟ 

ايه اللي بيحسسك برجولة و ايه مقياسك ليها ؟ 

———————

عن نفسي بشوف ان الرجولة ممكن جداً أختذلها في الإنسانية 

سبحان اللي خلقنا بني آدم 

أولنا راجل مش أنثى، فأول ما تشيل من حد الإنسانية مستحيل تشوفه راجل تاني أبداً 

غير مثلاً الأنثى بتاخد من إنسانيته فتتغذى عليها و تعرف تدي لأولادها و المجتمع من حواليها 

و من النقطة دي لا يمكن هتلاقي راجل يعاملك معاملة مش كويسة 

ولا هتلاقي راجل مبيحترمكيش 

ولا هتشوفي راجل اخلاقه وحشة معاكي 

ولا هتلاقي راجل منفسن او عنده مشاكل و عقد بيطلعها عليكي 

الخ الخ 

أي انسان محترم إنسانيته فهو راجل على كل المستويات 

 و من ضمن الإنسانية دي هو الجانب المظلم في شخصيته، عيوبه، الفرق بس ان الراجل بيحب عيوبه و بيستخدمها و بيسخرها لخدمته 

في حين ان أي حد تاني مش راجل يا هينكر عيوبه يا هيستخدمها أسوأ إستخدام و الاتنين وجهين لعملة واحدة 

لأنك لو أنكرت عيب فيك مش هعرف أحاسبك عليه 

و لو استخدمته استخدام سئ هتأذيني بيه 

فمن مصلحتي انك تعترف بعيوبك و تقبلها كما هي و تسخرها لخدمتك و تعلى عليها ♥️

ازاي ؟ دي نبقى نقولها في بوست تاني