" الراجل يحب اللي تضحك عليه " و عشان يزوقوها سيكا و متجيش ع الإيجو جامد يقولوا 

" تضحك عليه بمزاجه " 

 بص حبيبي ! لو انت اتعودت ان أمك تحطلك الدوا في الأكل عشان متحسش بيه …. دي مشكلتك متعممهاش ! 

و لو انت إتعودت تآكل السم و هو في العسل … بردو مشكلتك فمتعممهاش 

مشكلتك دي ببساطة هي اللي بتخليك متفرقش بين الصالح و الطالح 

و يوم ما تقابل الصالح هتتوقع ان جواه طالح لأن ده اللي انت متعود عليه دايماً 

إنما الحقيقة ان في ناس محترمة، بتحترم نفسها قبل ما تطلب الإحترام من الناس حواليها 

و الناس دي متقبلش حد يضحك عليها تحت أي مسمى 

مش نكد ولا غلاسة و لكن تقدير و إحترام للذات 

زي ما هما صادقين مع نفسهم بيتوقعوا ان الناس تكون صادقة معاهم 

ببساطة 

لو انت مش من الناس دي و بتحب اللي حواليك ينفخوك حتى لو انت معملتش اللي تستاهل النفخة عشانه …. ف دي مشكلتك متعممهاش

و حاول بردو متنسبهاش للرجولة

لأن لو قدوتك رسول الله مثلاً فمعتقدش ده راجل كان هيوافق ع الكونسبت ده