هقولك ليه أرخص أنواع الموڤينج أون انك تنسى حد بحد
ببساطة لأن بيكون كل همك توصل للطرف اللي انت سايبه انك مع حد جديد، و كل الناس عارفة و أولهم انت ان الحد ده ريباوند يعني علاقة أساسها مخوخ ده أولاً
ثانياً لو الحد ده عقلك صورلك انه أحلى و أهم من حبيبك اللي بتحاول تنساه ده، بمجرد ما تقعد معاه و تحس الفراغ العاطفي في حضرته هتلاقي نفسك بترد أسوأ م الأول … زى كورة رميتها في حيطة ردت في صدرك فاتوجعت أكتر ما كنت موجوع اصلاً
ده غير لما تخلص اللقاء اللطيف ده هتلاقي نفسك تعيس حزين وحيد أكتر ما كنت قبل ما تنزل و تقعد معاه لسببين أولهم ان المتعة اللحظة انتهت، تانيهم ان المتعة الحقيقية مرجعتش
ناهيك بقى عن عدم احترامك لنفسك و للعلاقة اللي خليتك تغير في الناس زي الشرابات
كل ده بيخليك تشعر بالدونية و مع الوقت تترجم لتصرفات أرخص و أتفه
صدقني اللي إتعلم الإخلاص إتعلمه بالطريقة الصعبة و لأنه عارف نتايج المشي العوج
فإتحمل وجع الساعات الأيام الأولى من الإنفصال بثبات و شجاعة
لا تكبت ولا تهرب و لا تكابر
استسلم للألم عشان يمر في سلام
مساء الفل
2
-2
