الناس اللي بتتفشخر ٣ أنواع  

نوع بيتفشخر اد ايه الحياة غالية و العيشة صعبة و يفضل يكلمك عن كل حاجة بيقتنيها زي مثلاً 

مش ممكن النضارات بقت غالية ازاي نضارتي بقت بخشرومية 

الأولاد غيروا مدرستهم و بقت غالية أووووي مش قادرة اتنفس 

تجديدات البيت خدت فلوس كتير جداً فوق اللي كنت متوقعاه ! 

مش هتتخيلوا صرفنا كام في الأجازة الفلانية

———-

نوع تاني يقولك الأسعار على طول 

البيت ده ب ٥ مليون 

العربية دي ب مليون 

كده يعني 

سكة و دوغري 

————-

نوع تالت و ده اللي انا منه الحقيقة 

بتفشخر أد ايه صرفت فلوس قليلة ع الحجات 

لأن ببساطة الفن يكمن في قدرتك على الإدخار أساساً 

فييجي حد يسألني دي بكام … أقوله تخيل كده ؟ 

يديني رقم كبير فأقوله الرقم الصغير ???????? 

#ayatheminimalist