انتي سبب في دس كتير بيحصل في أي ست زيك حقيقي ! 

كل مرة اتنازلتي فيها و قبلتي بالقليل حطيتي ستاندرد عند حد ان في ستات زيك و بتقبل 

كل مرة اتخليتي بكامل إرادتك عن دورك كأنثى و بدأتي تتحكمي و تسيطري في راجل حطيتي ستاندرد عند رجالة زيه ان ده عادي ! يعيش عيل 

و كل مرة فتشتي موبايل ولا حربقتي على راجل حطيتي ستاندرد ان الخصوصية مش شئ له معنى ولا موجود ولا ضروري ولا له لازمة و ان التجسس عادي و قليتي مننا كلنا احنا الستات لأن بقت حياتنا مستباحة ! ما انتي اللي بدأتي و كسرتي كل الحواجز اللي تحافظ على كرامة إنسان 

و كل مرة قبلتي حد يكلمك بطريقة متليقش بيكي او يكلمك كأنك واحد صاحبه او يحكيلك عن ست غيرك موجودة في حياته بطريقة تثير غيرتك حطيتي ستاندرد انك باردة و مبتحسيش و جلدك تخين و لازقة بغراء و مملة و مهزأة و عادي يعمل فيكي أكتر كمان ! 

الخ 

فمتكلمنيش بصيغة الضحية ! 

و صلحي ما في نفسك الأول.