‏Expectations Vs standards 

التوقعات مختلفة عن المعايير … 

التوقعات بتدمر العلاقة، لكن المعايير بتعززك 

ليك كامل الحق ترفض الغلط " عشان عندك معايير "

نيجي بقى للسؤال المهم 

ازاي نحافظ ع المعايير دي بدون توقعات ؟ 

بنحافظ عليها بوضع الحدود … بمعنى مينفعش مثلاً حد يعلي صوته عليا و انا اعديها … فأكيد هأغضب 

اعبر ازاي عن غضبي ده ؟ بإنك توضحي " لو هتستمر في الكلام بالطريقة دي انا مش هأكمل كلامي معاك " 

هنا انا اتكلمت عن نفسي، مروحتش أعلمه هو الأدب … 

فهو حر تماماً يعلي صوته على أي حد في الدنيا بس ييجي عندي و يكون فاهم ان هنا لأ …

= و ده مش هيخليه يحس اني بحاول أسيطر عليه ؟ 

- إطلاقاً لأن كلامك كان عن نفسك لما قولتيله " انا مش هأكمل كلام " مقولتيش هو يعمل ايه. 

= طيب و ده مفيد في ايه ؟ 

- ده بيخلي الشخص اللي قدامك يكون أفضل نسخة من نفسه … معتقدش حد بيتبسط و هو كلامه كله زعيق و عصبية … فمهم حد يقولنا كفاية كده وقف هنا.