" المفروض الناس تقبلني زي ما انا و الدنيا تتطوع لخدمتى كما أنا "

مين اللي فرضه حبيبتي ؟ 

انتي في منك نسخ كتير 

في نسخة محدش يطيق يتعامل معاها 

و في أحسن نسخة من نفسك 

و في الحالتين محدش مضطر لك  

تخيلي ؟ 🤷🏼‍♀️

= يعني يا آيه مش مفروض الناس تحبني كما أنا ! 

- تحبك حاجة و تقبلك حاجة تانية 🙂

عيالنا بنحبهم إنما مبنقبلش تصرفاتهم الوحشة فطبيعي بنلفت نظرهم 

إتغيروا لنسخة أحسن …. كان بها 

متغيروش …. طبيعي مش هنطيق نفضل حواليهم مدة طويلة 

كذلك انتي لو عاجبك نفسك هتجذبي ناس معجبة بيكي كما أنتي، و أول ما يبطل يعجبك نفسك كوني متأكدة انك مش عاجبة أي حد على الإطلاق 

فتطورك لنسخة أفضل من نفسك ده عشان تعجبي نفسك قبل ما تعجبي حد