التقدير علي الحدس

إنتي كست بتتقدري مش بناء على لبسك و شكلك خالص 

انتي بتتقدري بناء على حدسك 

أيوة 

روحانياتك و إحساسك الداخلي اللي مبيخيبش 

قدرتك على قراية الغير مرئي و الشعور بالناس بدون حتى ما يتكلموا 

 قدرتك على قياس الأوضاع بدون دلائل مادية 

لذلك الراجل بيحتاج يتكلم معاكي و يلجألك عشان توجهيه في حياته عموماً 

انتي تقوليله إحساسي انك لو عملت كذا هتكون مبسوط …. فهو يحقق 

تقوليله أنا شاعرة ان الموقف الكذا لك خير فيه … فهو يهدأ 

تقوليله أنا شايفة ان لو عملنا هنوصل لكذا …. فهو يصدق 

و هكذا من الدعم المعنوي و العاطفي اللي مفيش حد هيعرف يقدمهوله غيرك 

ببساطة لأن محدش أقرب له منك و لأنه تعرى قدامك عاطفياً و جسدياً و نفسياً فإستأمنك ووثق فيكي توجهيه

ببساطة

دي القيمة المباشرة من وجودك 

انتي توصليه بالعالم الروحاني، و هو يحقق اللي وصلتيه له في العالم المادي

فهو يستفيد من حكمتك و ذكائك و قدرتك على التواصل  

و انتي تستفيدي من ماله و عطاءه و خدمته الخ.