الشكوى المستمرة من الرجالة ان معندوش زيادة يديه و ان مراته التانية عايزة زيادة
أو من الستات انه مبيديش و انه مخليكي آخر أولوياته ان كنتي فيها من الأساس
خلينا متفقين ان مفيش راجل معندوش اللي يديه و خلينا كمان متفقين ان كم العطاء اللي عند راجل سوي ملوش آخر … من الآخر
و بدون تصنيفات و بدون أي صنف حوارات حوالين العطاء و نوعه و شكله و حجمه و الطريقة اللي هيعطي بيها
كل الرجالة قادرة تماماً تقدملك اللي انتي عايزاه زي ما انتي عايزاه بالمللي
كل السر في " الشغف " … حاسه و عايزه و عنده ….. هيعمل
و هيعمل لحد ما انتي اللي تقوليله كفاية من كتر التخمة و الخنقة و الحصار
معندوش منه …. هيتحجج
و حجج تافهة جداً قد تكون من نوعية اصل صباع رجلي الصغير لما اتخبط من ١٠ أيام في رجل الترابيزة ضافري اتكسر و انا معرفش أعمل كذا و انا ضافري مكسور 😂
صباح الفل
—————-
إزاي تخلي راجل عنده شغف انه يقدملك الدنيا على طبق من دهب
ببساطة بإنك تكوني بتعرفي تعملي ده لنفسك بس هتتبسطي أكتر لو هو اللي عملهولكً
انما تكوني
١- مبتعرفيش تعمليه لنفسك … خدتيه من حتة الشغف للإتكالية و المسؤولية و الملل
٢- مش هتتبسطي لو هو اللي عملهولك …. مش هيحس بالدافع الوحيد للإنجاز اللي بيخلي الراجل يطلع من النقطة سالب للنقطة ١٠٠ في ولا وقت
يومك حلو زيك
2
-2
