الشخص المهندس كيف يتعامل ؟!

تعالوا أما أهبدلكوا بخصوص المهندسين طالما فتحنا السيرة

ناس شايفة ان حياته صعبة بسبب ان كلها مربعات و مثلثات و مستطيلات 

الحقيقة هو حياته صعبة بسبب الأرقام مش الأشكال 

يعني المهندس أجدع واحد يختار بالشكل و الجسم و الهيئة 

أشطر واحد يجيبلك الصورة الاجتماعية و يخليها صورة فوتوجرافيه مش هاها و كده 

اجدع واحد ينفذ المكتوب بالحرف و لما بتفرق في سنتيمتر بيزعل جامد حقيقي و بيطلع اللوم على أي حاجة منطقية عشان يحلها المرة الجاية 

لكن تعالى بقى للمعاملة 

بيحاول طول الوقت معاملته مع الناس تكون زي ما الأرقام بتعامله 

١+١=٢ 

معادله ليها سبب و نتيجة و برهان و بتتختم برقم مفيش حوارات 

فدايماً أحكامه ظاهرية منطقية على الأمور جميعها 

و دي معاملة أبعد ما تكون عن معاملة النفوس و خصوصاً لو النفس البشرية دي بتاعت ست  

اللي بتفهم النفس ده طالع ليه و الكلمة دي اتقالت بالنغمة دي عشان يوصل منها ايه و ليه فلانة حطت ايديها كده بدل ما تحطها كده و لو كنت مهتم كنت عرفت لوحدك و الجو ده 

فمعظم الوقت هو شايف الستات كائن هرموني غير منطقي بالمرة 

و عنده حق من الزاوية اللي هو شايف الدنيا بيها و اللي بقاله سنين و سنين عايش بيها و كل النتايج بتبقى زي ما في دماغه بالظبط … 

اشمعنى الستات مبتماينش معايا بقى !!! 

ببساطة لأن الست مهما كانت على علاقة بيك و مهما وصلتوا من عمق في العلاقة 

هي في الآخر كائن عاطفي 

و كل ما له علاقة بالمشاعر ملوش علاقة بالأرقام 

مش هينفع اقولك انا زعلانة تقوللي احنا لسه راجعين من خروجة 

او اقولك انا زعلانة تقوللي انتي كنتي لسه بتضحكي حالاً 

او اقولك انا زعلانة تقوللي بس عماد مأكدلي انك تمام 

قطع الكتاب اللي بيقولك ان منطقي طالما عملت كذا و كذا و كذا مبقاش زعلانة 

 و حس بيا يحس بيك ربنا 

ببساطة