النرجسي له اعتمادي بيموت فيه و العلاقة بينهم توكسيك جداً بس هما الاتنين ميقدروش يستغنوا عن بعض 

انت بقى كإنسان مالك و مال الحوار ده ؟ 

مين قالك انك اعتمادى و مين قال اللي قدامك نرجسي ؟ 

و مين قال انك نرجسي و مين قال اللي قدامك اعتمادي ؟ 

طالما بنتعامل و مرتاحين و مبسوطين سوا حتى لو علاقتنا من برة شكلها وحش

ده بيضربها و هي بتقوله كمان

فين المشكلة ؟ 

= انتي بتقولي ايه ؟ يعني اشوف اتنين بيأذوا بعض و اسكت ؟ 

- لا اتكلم عادي قوله ده بيأذيك انت متحمله ليه ؟ لكن متروحش تقوله ده نرجسي و انت اعتمادي 

= طب منا بوعيه 

- لأ انت كده بتوصمه في حاجة بنسبة كبيرة جداً مش حقيقية 

= يعني لو قولتله ده بيأذيك متحمله ليه هيكون كفايه و هبقى بساعده ؟ 

- آه لأنك استفزيت دماغه تفكر و هيرد عليك فيفهم هو كمان سبب تحمله 

انما تقوله ده نرجسي او انت اعتمادي هو كده استفاد ايه ؟ 

= يروح يتعالج

- انت متعالج ؟ 

= لأ انا مبعانيش من مشاكلهم دي 

- طب ما يمكن لما ابقى مكانهم تعاني زيهم و اكتر 

كل من دخل في علاقة بقى مريض يعني وللا ايه ؟ 

ما طبيعي هتتعامل مع بشر تستفزوا حجات جوا بعض و طريقتكوا في التعامل مع المشاكل دي هي اللي هتحدد شكل العلاقة بينكوا 

انما الوصم ما هو الا انك بتختصر كل الشغل المطلوب في العلاقة و تحطه في علبه المرض و ده نتايجه كلها وحشة و مش في صالح العلاقة ولا الفرد اساساً