الفشخرة بالهدوم او الشغل فيها كموديل بتوصلك لمرحلة بتكون فيها حاسس ان مينفعش 

١- حد يشوفك بنفس الطقم اكتر من مرة

٢- حد يشوفك بلبس السيزون اللي فات 

٣- حد يشوفك بحاجة عادية او طبيعية 

٤- تلبس الحاجة بدون ما تلفت الأنظار 

فتلاقي نفسك بقيت بتكتنز الهدوم مش بتلبسها

في حين ان الطبيعي انك بتجيب حاجة شيك تبرز جمال شكلك و لونك و جسمك و ثقافتك و تبين النعمة عليك و الكواليتي بتاعها يكون كويس عشان تعيش معاك و تتوافق مع ال

Dress code 

للمكان اللي انت رايحه او هتستخدمها فيه 

ميبقاش المحتوى عبارة عن منتج ! لأ 

انت المحتوى … و المنتج جآي يخدم عليك مش أكتر 

فمش معقول هتشتري قطعة بالمواصفات دي و تستثمر فيها و بعدين تطبق النقاط اللي فوق دي عليها !! 

لو الملابس شغلك فانت كده مش بروفيشنال و لو الملابس كيف فانت كده بردو مش كييف !  

——————-

اللبس زيه زي أي منتج اتعمل عشان يخدمنا مش احنا اللي نشتغل و نجيب فلوس عشان نخدمه او نخدم التابوهات اللي أقنعنا نفسنا بيها دي