طيب خليني أتعاطف يمكن أقدر أساعدك 

انت بتخاف تصدق ان المطلقات سعداء عشان ده ممكن يشجع غيرها ع الطلاق 

صح ؟ 

لو اتفقنا في الجملة دي هنقدر نحل … لكن هتنكرها يبقى متكملش البوست أروق لك 

———-

و انت بتحاول تطبق المثل بتاع إضرب المربوط يخاف السايب 

مخدتش بالك ان احنا السايبين مش زوجتك ! 

 فانت بتلوش مش أكتر 

الأفضل من انك تضيع وقتك في مهاترات لمحاولة وصم المطلقة او قذفها او او او او 

هو انك تشتغل على احساسك بعدم الأمان اللي خلاك تلوش من الأول 

لو خايف تتساب … ركز ازاي تحافظ عليها 

لو خايف من آدائك كزوج … اشتغل على ده و شوف في ايدك ايه تقدر تعمله 

كده يعني 

انما انت جايب طرف تالت تستخدمه في علاقاتك ليه و تحطه عبرة ! 

 زي ما تقول لواحد اوعى تسيب السيلز لتروح الماركتينج ! 

افرض اللي شغال سيلز مبسوط 

و كذلك اللي شغال ماركتينج مبسوط 

مفيش تهديد يعني 

————- 

في الآخر هي تفضيلات و مينفعش تهدد حد بعدم وجودك في حياته 

أصل افرض خضعلك تحت ضغط التهديد ! 

هتحس كده انك مرغوب يعني و علاقتك دي حلوة ؟!