أوحش أنواع النقاشات اللي دخلتها كانت مع المتدين المسيطر 

اللي بيخلط بين الجليطة و بين الأمر بالمعروف و النهي عن المنكر 

اللي شايف ان من حقه يتدخل فيما لا يعنيه في سبيل تطبيق الدين بشكله اللي في دماغه 

اللي تكلمه بالروحانيات يكلمك بالنصوص 

عنده قدرة غير طبيعية يأيف الدين على مقاس جروحه و مشاكله النفسية

————-

و على النقيض أبسط النقاشات و أسهلها و أروقها هي اللي بنخوضها مع حد مفكرش قبل كده يتبع الدين

تلاقي المناقشة خدت سطرين كلام و الحد ده دخل في الإسلام عادي جداً 

لا فضل يحنك ولا قعد يجادل ولا قرفك بنظرياته و أفكاره عن مسائل دينية 

—————

في إيجو و غرور مش طبيعي بيتكون عند الناس اللي درست أي حاجة ليها علاقة بالدين أو تعمقت فيه بشكل نظري 

حاول توقف نفسك و تتعالج لو انت من الناس دي … ضروري