اللي بيميز الألماس هو اللمعة و القوة و النقاء 

تمام ؟ 

مش الندرة 

حلو ؟ 

محدش بقى بيركز في كل الكلام ده و هو بيتفرج ع الخاتم بتاعك 

يعني لا حد خد باله من اللمعة عموماً عشان يفرق اذا كان ده ماس طبيعي من ماس مخبري من موزانيت من زيركون 

ولا حد شال من ايدك الخاتم مشى عليه عربية او دقه بشاكوش عشان يعرف هو ماس طبيعي وللا لأ 

و لا حد مسك الماسه و قلب فيها يمين و شمال عشان يشوف فيها شوائب أد ايه وللا نقية 

ولا انتي ماشية بالشهادة تفرجيها للناس عشان تأكديلهم المعلومات اللي فيها 

ولا انتي عملتي كل الحجات دي و انتي بتشتري من المكان

—————-

فالفئة الوحيدة اللي تلبس الماس هما الناس اللي بيقدروا صنع الله أو بمعنى أصح جمال الطبيعة 

ان حجر اتخلق في ظروف بيئية معينة و طلع بالتفاصيل دي 

 حاجة ميقدرش يعملها إنسان مهما إجتهد 

ما معناه بردو انك بتلبسيه عشان مشاعرك انتي تجاه نفسك و انتي لابساه 

مش عشان الناس شايفينك إزاي 

لأن محدش شايف حاجة 

ببساطة.