من الاتهامات الشائعة عني في العلاقات اني بحب أتذاكى أو أبين ذكائي ! 

الموضوع أكبر بكتير من كده الحقيقة ! 

و انا بتعامل معاك لو في حاجه مش مظبوطة بأعيا … بأتعب جسدياً بهبط بتوجع بتألم جداً و بعيط كتييييير حتى لو مفيش سبب ظاهر جوايا بيبقى حاسس بالسبب الباطن 

فلو انت بتكذب قلبي بيوجعني مش عشان انا ذكية و حزينة انك كذبت … لأ خالص !! 

انا مبكونش عارفة انك بتكذب أصلاً ????????‍♀️

و لو انت مبتحبنيش ببقى قاعده جنبك مش عارفه اتنفس هوا طبيعي … و متسألنيش ازاي بردو 

و لو غرضك مني مصلحة و مش راضي تقوللي عليها بيجيلي صداع شديد جداً 

و هكذا بقى 

كل حاجه جواك انا بحس بيها في جسمي 

فلنا ببعد مبيكونش عشان انا زعلانه بعد ما اكتشفت الحقيقة ! 

ببقى زعلانه اني اتألمت كل ده و مرضيتش أبعد لمجرد مفيش سبب ظاهر يخليني أبعد 

إسمع لجسمك …. الجسم صوته عالي جداً لو اتواصلت معاه صح.