الحياة الجنسية و الحياة الطبيعية

احنا اعتبرنا العلاقة الجنسية شئ مختلف عن حياتنا الطبيعية فعملنا شئ غريب مزدوج جداً 

زي ان واحد يكون مطيع جداً في العلاقة الجسدية و مسيطر جدا ً في الحياة الحقيقية أو العكس 

ده مشكلته ايه ؟ 

مبدأياً مشكلته الأساسية ان انت يإما مش بتعبر عن حقيقتك جوا العلاقة الجسدية او انك رافض تعيش حقيقتك في الواقع 

و الحقيقة ان العلاقة الجسدية ما هي الا مجرد امتداد لحقيقتك بل هي المفروض انها الحقيقة الكاملة 

أصلك هتتعرى فين أكتر من كده ؟ !! 

فلما بنشوف انسان عنده ازدواجية راجل كان وللا ست بنعرف ان عنده مشاكل نفسية و المشاكل النفسية دي بتؤدي لانحرافات جنسية بطبيعة الحال 

الأول خلينا نفرق بين الازدواجية و التناقض ؟ 

الازدواجية هو ان يبقى في فرق واضح بين الافكار و السلوك 

لكن التناقض هو انك بتؤمن بأفكار لكن مش شرط تنفذها أصلاً 

————————-

مشكلة الازدواجية بتتمثل في انك تبقى شايف الطاعة حاجة وحشة بس بتعملها بالليل 

او شايف العظمة في السيطرة بس مش قادر تقوم بيها 

فلما الطرف التاني يلمس ازدواجيتك دي تبدأ تعاقبه على انه قفشك ! 

طب ما من الأول 

انت لو مطيع أتقبل كون ده دوري في العلاقة لحد ما اقابل حد يتقبله زيي فيحصل التشافي 

و من هنا كانت فكرة الحب الغير مشروط 

و ان الحب بيشفي حقيقي 

محدش هيحاسبك عشان ده دورك في العلاقة … اللي قدامك بيحب حقيقتك 

انما انت ازاي هتستقبل الحب لو انت نفسك اللي مش موافق على دورك ؟ !!