في فرق بين الإهمال و التهميش، و بين إنك تدي لحد كامل حريته و تسيبه بمزاجه يختار يكون معاك أو لأ
الأصل في العلاقات الصحية هو انك تعطي كامل الحرية
و الحكم مبيكونش بالقرب أو البعد لأن القرب كتير بيكون مليان إهمال و تهميش و البعد كتير بيكون مليان إهتمام و شغف
طيب لو مبعرفش يا آيه أدي لحد حريته و لما بيبعد عني بحس بالإهمال و التهميش بس
= كده انتي شخص غير آمن حبيبتي
العلاقات مش بس مادية ولا بس بالتواجد المستمر و لا بس باللي انتي قادرة تقيسيه بالعين المجردة
انتي بتعاملي أرواح و نفوس مش كنب و سراير
لو مبتفهميش في لغة الروح هتفضلي عايزة الإنسان ده لازق فيكي طول الوقت
و هيحصل
بس صدقيني ده نقطة في بحر اللي تعرفي تآخديه من حد
أصل يا فرحتي لازق فيكي و بيفكر في غيرك
لازق فيكي و قرفان منك
لازق فيكي و مش مستحمل يسمع صوتك
لازق فيكي و زاهدك
لازق فيكي و مش بيزودك حاجة ولا عارفة تستقبلي منه أي حاجة
———————
حلي مشاكلك و إفهمي انتي ليه مش قادرة تحسي بالأمان بوجودك لوحدك عشان تقدري تسيبي الناس براحتها و بحريتها.
2
-2
