انا عايزاك تجرب تهرب من القدر … جرب كتير 

يعني حاول كده تصارعه و تسخط عليه و تجري منه 

إعمل زي أحمد حلمي في فيلم " ألف مبروك " 

انت عارف الراجل ده مات كام مرة قبل ما يستسلم للموت الحقيقي ! 

متخيل إتعذب في محاولاته للهروب دي أد ايه ؟ 

كل ده ببساطة لأنه كان متمسك بالحياة و مصِّر يفضل عايش 

فلقى نفسه بيموت كل يوم 

—————-

الحب الحقيقي كده بردو

مقصدش أكون درامية بس هي مجرد حقيقة 🤷🏼‍♀️

هتفضل تقنع نفسك كل يوم انك لازم تبعد و انك قادر تبعد و تحسبها حسابات عقل و كل ده مبيعملش أي حاجة غير إنه بيوجع قلبك و روحك و جسمك 

لحد ما في يوم بتستسلم للمشاعر دي و بتوقف غضب و مقاومة و هروب و بتتمنى لحبيبك الخير و بس 

لأنك ببساطة عارف ان اللي هيألمه هيألمك أكتر منه بكتير 

ده قدرك و ضروري تتعلم تستسلم له 

ببساطة 

#ayathepsychologist