أصعب حاجة في عشرة الرجالة هو انك تحافظي على أنوثتك 😅
في اوقات معينة كده بين ابني و بنتي بلاقيها يا حبيبتي بتحاول تآخد منه
Validation
بأي طريقة فبقرر أركز معاهم عشان أفهم ده حصل امتى و ازاي و ليه !
لقيت انه بيفضل يقولها " طب تعرفي تعملي كذا ؟ " و لما تعمله يقولها " لأ مبتتعملش كده، بتتعمل كده " فهي تطور من نفسها سعياً لكلمة براڤوا بقى
مبيقولهاش 🙂
بيساطة لأنه بيلعب لعب ولاد، و لعب الولاد كله قايم ع المنافسة، فهي دي اللعبة انهم يفضلوا يعلوا على بعض
و هي تفضل تعمل الأحسن الأحسن الأحسن لحد ما بتنهار من العياط و تقوم ضارباه و ماشية 😂😂😂
هو بيستغرب جداً لسببين
١- انه شايف انهم كانوا بيلعبوا، فليه حصل التحول المفاجئ ده !
٢- انه شايف انها بالفعل اشطر منه في حجات كتير بسبب كتر المنافسة و كتر محاولاتها لإرضاءه، فإزاي مستنية منه هو بالذات الكلمة الحلوة !
———————
الموضوع ده هدي لما قررت أتدخل و أفهمها انه ولد و ده لعب ولاد، هما بيفضلوا ينافسوا بعض كده عشان يجربوا حجات جديدة في الحياة، و في الآخر بيطلعوا من اللعبة ضاربين بعض و مبسوطين
و ده يختلف عن البنات اللي مش مفروض تنافس حد أصلاً ولا حد يضطرها تكون
Perfect
لأن جمالها في هدوءها و روقانها وانها بتعمل الحاجة بحب مش بحنتفة !
2
-2
