" انا مش هأحبه غير بعد ٦ شهور "
- الحب مش بمواعيد و طالما مرتاحة يبقى سيبى نفسك و استمتعى بالتجربة ... حتى لو لا قدر الله اتجرحتى هتفضلى مبسوطة انك حبيتى فى يوم م الأيام.
" مش غلط بردو انى أكلمه؟ "
- عمر ما كان غلط انك تكلمى حد نفسك تكلميه ! هو مين اللى له سلطان على مشاعره !! لكن لما نتكلم خلينا نتكلم عشان نشبع و نكون مبسوطين ! مش هنتكلم و نتنكد بردو!
" هو انا أعمل ايه عشان تعرف انى عايزها بجد و شاريها ؟ "
- كلم باباها تانى و تالت و اترفض مرة واتنين و كتير لحد ما تطلع من دماغك ... عادى
" انا عايزة أسيبه حقيقى ... هو الواحد هيكمل بالعافية ! "
- لا خالص ! محدش بيكمل بالعافية، بس مهم و انا بأقطع أدى أسباب تقنع عقل اللى قدامى و الأهم و أنا بأقطع أطبطب على قلبه تقديراً لوقت كنا فيه قريبين ... و أصبر على اهانته عشان شخص مجروح ... النهايات ليها اتيكيت.
---------
الخلاصة : مفيش فى حياتنا أهم م العلاقات الانسانية ... مش عشان التعلق اللى بيحصل فيها ... بالعكس
لكن عشان احنا بنتعرف على نفسنا من خلالها ... لو عشناها بوعى.
2
-2
