الفرق بين تعليم الطفل كيف يذاكر و بين ان تذاكري له

في فرق بين انك تعلمي الطفل ازاي يذاكر و بين انك تذاكريله 

انتى مش مُدرسة

انتي مش محضرة تربوي 

انتي مش مؤهلة نفسياً و عصبياً و جسدياً للتدريس 

انتي مش هتدخلي المعلومة دماغ عيل مش عايز المعلومة تدخل دماغه 

انتي بتحملي نفسك فوق طاقتها و بتشيلي مسؤولية مش بتاعتك ! 

ببساطة دورك تعلمي الطفل ازاي يذاكر … مش أكتر 

تعمليله 

Time frame 

للمذاكرة 

تشيلي الحجات اللي بتشتت انتباهه من المحيط 

تتأكدي وراه انه عمل الواجب 

تساعديه يحضر الجدول

تقوليله براڤو و شاطر و هييه و تديله بون بوني 

تقوليله ازاي يعمل سيرش ع اللي مش فاهمة 

تنزليله أبليكشن يساعده و تعملي سيرش معاه على ڤيديوهات تعلمه 

تخلقي جواه الدافع للتعلم و تقوليله الحجات دي هتفيده في ايه في الحياة عموماً 

لكن تمسكي ورقة و قلم و تقنعي نفسك انك هتدرسيله ! ده عك 

مكانش ولاد الناس اللي واخدة ابتدائية طلعوا دكاترة و مهندسين لو اللي بتعمليه ده هو الصح في عملية التحصيل الأكاديمي