إيه الفرق بين التخلي و البريك آب ؟ 

التخلى عن البشر هو ان حد يحس بعدم أمان انه يكلمنى 

يحس انى مش هأكون موجودة و مش هأقف جنبه لو احتاجنى 

يحس انه مش هيقدر يوصللى لو احتاج يوصللى 

يحس انى مليش وجود و انى مستحيل هيلاقيلى طريق تانى 

انه يكون مسؤول منى و اتخلى عن مسؤولياتى تجاهه عشان مشاعر او عواطف

 ان يكون بيننا مصلحة و يخاف عليها منى

 او يكون بيننا حاجة متعلقة و يستعوض ربنا فيها بسببى 

يكونله عندى فلوس و مش عارف يطلبها 

و غيره و غيره 

لكن انى مكملش فى علاقة ده بسبب اننا وصلنا لليڤل مش عارفين نعديه و مش شايفينله مستقبل ... لا أكتر ولا أقل 

هل ده معناه نرجع فى كل المراحل اللى عديناها ؟ 

اخد الهدايا و الفلوس اللى راحت و جت ما بيننا ؟ 

الغى المعزة فى قلبى و العشرة ؟ 

فى حجات مبترجعش و جمالها فى انها مبترجعش.

————

قدرتك على التخلى فى كل حاجة دليل على قوة الا فى علاقتك بالناس ... قدرتك على التخلى دليل ضعف 

هل ده معناه انك تتمسك بحد بيأذيك و نقول انت كده قوى و عظيم ؟ 

لأ بردو 

الحد المؤذي لما يلاقي اللى قدامه مش ماتريال يحط فيها الأذى بتاعه بيمشى لوحده

فلما تلاقى حد بيأذيك إفهم هو دخل للحتة دى ازاى و امتى و ليه و قوى نفسك انت، بمجرد ما ده يتغير هتلاقيه بيتوكل على الله لوحده و يبعد هو 

ساعتها إفهم انك اتطورت و اتغيرت للأحسن 

و خليك متقبله بكل الحب فى حالة رجع تانى .... بيرجع عشان عرف غلطه و محتاج انك تتقبله، انت دوناً عن كل البشر ....

 فتقبله و انت محافظ على نفسك و فارض حدودك 

الدنيا بسيطة