اليقين بإنك مقبول مهما كانت صفاتك و أفعالك و أقوالك ده مش قلة عقل و بس ! 

دي قلة تربية

و في فرق بين انك محبوب و بين انك مقبول 

( زي ما بنحب عيالنا لكن منقبلش أخلاقهم تكون مش تمام ) 

فا زي ما انت بتحكم على بنت، البنات بتحكم عليك 

زي ما بتدي الحق لنفسك تبص لبنت متخصكش، في بنات بيدوا لنفسهم نفس الحق ببساطة شديدة

زي ما نفسك تتجوز كل البنات اللي عجباك، هي نفسها تتجوز كل الرجالة اللي عجباها 

زي ما روحك حلوة و بتهئ و تمئ بدون حدود ولا روابط، هي كذلك هتعمل ده ببساطة شديدة 

و اللي أقنعك ان انت عشان راجل ففطرتك كده، ده حد معرفش يربيك مش أكتر 

و اللي أقنعك ان التعدد شماعة تعلق عليها قلة تربيتك، ده حد عبيط مش فاهم تعدد 

—————-

انا هنا لا بحكم ولا بقول صح و غلط 

انا بقولك بس ببساطة ان الإنسان واحد و تكوينه واحد و الافكار و المشاعر سيم سيم يا قلبي 

زي ما بتغضب، الست بتغضب

زي ما بتزهد، الست بتزهد

زي ما بتمل، الست بتمل 

———

الإختلافات بين الراجل و الست طفيفة جداً و معظمها متعلقة بالتكوين الجسدي و توزيع الأدوار 

يعني مثلاً أُبيح لك التعدد عشان انت تقدر لكذا ست بشكل مادي ( خدمات و اهتمام و صرف و سؤال و غيره )، لكن الست بتشيل نفسها بالعافية و تتمنى متشيلش و ييجي راجل يشيل بدالها

فتخيل تبقى شايل ست واحدة و مش مكفيها اصلاً لا مادياً ولا معنوياً ! 

ده عيب في حقك مش عيب عليها هي انها عايزة تخلص منك أو بصت لغيرك.