فيه فرق بين الست اللي “تتحب”، والست اللي “ينفع تتعاش معاها”.

مش معنى كده إن الحب مش مهم، بس لو بتدوري على علاقة حقيقية… دوري تكوني لايف ستايل مش لحظة رومانسية.

الست اللي تنفع للجواز مش أكتر واحدة بتعرف تطبخ، ولا أكتر واحدة دلّوعة…

هي الست اللي عندها عقلية شراكة، مستقرة نفسيًا، بتفهم الراجل من غير ما تلغيه ولا تلغي نفسها، متصالحة مع الأيام العادية، بتعرف تخلق جو حلو حتى بأبسط حاجة، مش بتستنى حد يسعدها… هي أصلاً مليانة من جوّا

مش بتزهق من الروتين… بتعرف تحوّله لحب

 و بتسمع كويس، بتحافظ على أنوثتها حتى وهي بتشتغل وتتعب

وعندها بوصلة داخلية… مش بتتشكل على حسب مزاج اللي حواليها

الست اللي كده… مش بس بتتحب

دي تتطلب… واللي يعرف قيمتها، بيصونها

—————

و للأمانة انا مش الست دي خالص بس، عشان محدش يقول بتسوق لنفسها 😂

لا انا بحب المشاركة، ولا بحب الروتين بكل أنواعه، و مش multitasking خصوصاً في تاسكات مبحبهاش، و الأيام العادية اللي بتصالح معاها هي اللي بهتم فيها بنفسي و بس ، و حتى الاستقرار النفسي معنديش منه، بحب الحجات اللي بتحركني فوق او تحت،و اليوم اللي بشتغل فيه ساعتين بحتاج ارتاح عليه اسبوع 

فلازم بجد تتصالحوا مع فكرة ان مش كلنا بتوع جواز، فأنا الست اللي تتحب و متصالحة مع ده تماماً

ليه بقى كل اللي بيقرب يا عايز جواز يا عايز يقل منك عشان محبوبة !

فكوا كده