فرق بين الحداد و الحزن 

طيب 

انقسم الناس في تعبيرهم عن الحزن ما بين ناس عايزة الحياة كلها تقف على ما نحل 

و ناس تانية نزلت تشوف شغلها في الوقت اللي لسه محليناش 

مين صح و مين غلط ؟ 

حدود الحزن ايه ؟ 

واجبك من مكانك في الوقت ده عبارة عن ايه ؟ 

—————-

أولاً مفيش حاجة اسمها حياة تتأجل عشان مصيبة واقعة لفلان في مكان ما انت ملكش تأثير مباشر عليها

بل و خلينا نضرب مثال بأهلنا هناك اللي بيقدموا نموذج في قمة الاحترام لما عملوا فرح فوق الأنقاض 

قال رسول الله صلى الله عليه وسلم: 

إن قامت الساعة وبيد أحدكم فسيلة، فإن استطاع أن لا يقوم حتى يغرسها فليفعل. 

والحديث قال عنه الهيثمي : ورجاله ثقات وأثبات. وقال عنه الأرناؤوط: إسناده صحيح على شرط مسلم، وصححه الألباني في الصحيحة. 

ومعناه: أن المسلم يستمر في عمل الخير ومنه الغرس، ولو كان قبل القيامة بلحظات، فإنه مأجور على ذلك. والله أعلم

————-

انت في حياتك اليومية في على اقل تقدير و لو بتشتغل بالمعنى التقليدي كموظف مثلاً ٨ ساعات رايحين في المهنة اللي بتمتهنها 

لو المهنة دي مبتعمرش الأرض و حاسس انها تافهة و ان عملك بها مش خير و ليس ذات قيمة حقيقية و انها مهنة لأوقات بعينها و اوقات تانية متصحش ! 

متشتغلش فيها 

انما لو عامل حداد بتأجل مشاريعك لوقت معين مش اكتر … ف دي قصة تانية 

الحداد بقى مدته اد ايه ؟ 

في ديننا ع الميت ٣ ايام و بعدها تقوم تشوف حالك 

انما احنا بعاطفتنا و عبطنا عملنا طقوس حول الموت من لبس لاربعين لسنوية لأكل بعينه و غيره و غيره من العادات و التقاليد اللي ليست من ديننا في شئ ابداً

—————-

نختلف في طريقة تعبيرنا … و الحزن واحد

 فبلاش نعلي على بعض بالمشاعر 

عشان عيب