البنات بقت Obsessed
بموضوع الجواز ده لدرجة الهطل ! و شايفة الراجل مجرد مشروع أو ملكية و ده في حد ذاته نوع من قلة القيمة و النقص !
أزيدك ؟
انا واحدة م الستات اللي مش عايزة أكون زوجة أولى أو ع الأقل متجوزش واحد مقطوع ليا لأن أولوياتي في الحياة مش جواز فمش عايزة أظلمه
و لو عرفت ان زوجته الأولى هاطلة أو عندها مشاكل في تقبل انه انسان حر مش هيفرقلي انه يقولها او ميقولهاش
كل اللي أقدر أخدمها بيه هو اني هتجوزه على سنة الله و رسوله مش هرافقة في حرام مثلاً عشان لو بتحبه و بتخاف على دينه مثلاً الا اني أستبعد تماماً ان يكون ده تفكير ستات في الزمن ده
= يطلقها و يتجوز غيرها
- و يطلقها ليه اذا كان بيحبها !
= عشان هي مش قابلة
- طيب مش قابلة تطلب هي طلاق و تسعى فيه لكن متقتلوش
= و هو لما فلوسه و مجهوده يروح لواحده تانية بدل الأولى مش الأولى بيه هي و عياله
- محدش أولى بحاجة دي فلوسه و هو حر فيها، اللي ليكي حقوقك الشرعية بتاخديها ملبس مسكن مأكل انتي و عيالك و لو اتجوز تاني ليها حقوقها بردو و هكذا
= طب و اللي اتحملت انه مسافر ده جزاءها ؟
- انا واحده ست اتجوزت ٥ سنين مكانش عندي استعداد أتحمل ٤ شهور بُعد و لما اتطلقت اتقدملي ناس كتير مسافرة رفضت عشان عارفة ان طالما في حياتي راجل لازم يفضل حواليا لو احتاجته في أي وقت يكون موجود … كونك انتي اختارتي انك تغربيه عشان الفلوس او وافقتي بيه متغرب و رفضتي السفر معاه لأي سبب بقى سواء أهلك عيالك او أياً كان … ملكيش حق تحجري على احتياجاته و رغباته و اولوياته !
= هي دي حياتي لوحدي و للا دول عيالي لوحدي ؟
- لا عيالكوا انتوا الاتنين و حياتكوا انتوا الاتنين عشان كده و انتي بترتبي أولوياتك اعملي حسابه فيها و حطي نفسك مكانه و طالما هتقصري سيبيله الأوبشن مفتوح … و انا اعرف ستات في حضرة جوزها ٢٤ ساعة و رغم كده سايباله الأوبشن مفتوح
أصلك مخدتيهوش بيع و شرا
خدتيه مودة و رحمة وونس
2
-2
