البخل و جودة الصرف

هو البخل حبيبي ان صرفك ميكونش على نفس مستوى رزقك 

يعني يكون اللي داخل كتير و اللي بتصرفه ع الناس في حياتك قليل

كذلك البخل انك تفاصل في الحقوق و الواجبات اللي عليك تجاه الانسان ده، مش بتفاصل في سلع استهلاكية

لأن أوجه الصرف بتبين كواليتي الشخص اللي بتتعامل معاه عموماً 

—————-

انا مثلاً كل ما يزيدلي مصدر دخل أحب أزود مصروف أولادي من غير ما يطلبوا 

كل ما يجيلي Bulk أحب أنزل أخرجهم خروجة حلوة حتى لو ميعرفوش إنها جايالي او احقق هدف مالي يهمهم اكتر مني

كل ما أعمل حاجة استثمارية أحب يكونلهم نصيب منها بشكل مباشر و اتأكد انهم يورثوها من بعدي 

و كل ما آخد خطوة مالية اتأكد انها بتقربني منهم مش بتبعدني عنهم حتى لو هضطر استغنى عشان علاقتنا متتأثرش 

دي أخلاق الناس اللي بتعمر و اللي فاهمة ان الناس أهم إستثمار في حياتهم

—————-

التانيين اللي مبيعمروش هتلاقيهم بيصيحوا و يقولولك فاكراني 

ATM 

حبيبي انت لو فيك حاجة عدلة كانت خدتها جنب الفلوس و انك تكونلها ATM ده مصدر فخر ليك و احساس حلو بإنها واثقة فيك ان خيرك مستمر مش هتغلب تجيب فلوس تاني و ان جيب السبع ميخلاش و كده 

بس انت مُصِر تتعامل معاها و كأنها حد غريب و ميعملش كده غير اللي متعود يغير في الستات كتير أو ميعرفش يكونلها سكن و هدوء.