تعالي أقولك ايه اللي بيحصل لما بتقرري تخلصي فلوس راجل عشان ميبصش برة 

————-

أولاً : بتضغطيه نفسياً جداً مش علشان هو مش عارف يصرف بالعكس ! لكن لأنه حاسس انه مهما صرف انتي مبتفرحيش و مبتكتفيش 

فبيحس ان رجولته مش مكفياكي … و بيبص برة عشان يآخد نظرات الاحترام و للتقدير دي 

ثانياً : بيحس انك معتمدة عليه لدرجة ان مفيش أي غموض في العلاقة … يعني لا هو متوقع تعمليله مفجآت مثلاً ولا تديله نوع من الاهتمام مختلف عن اللي بتديه عادة لأن اللغة بينكوا كلها بقت عايزين و محتاجين و كلام في لوچيستيكس و مسؤوليات 

فبيفقد الشغف و المتعة و احساس انه محتاج يكسبك أصلاً و بيبدأ يدور على ستات بيشكروا النعمة عادي 

ثالثاً : انتي بتكوني فاكرة نفسك بتتذاكي بس الحقيقة ان النوايا بتتحاسبي عليها بس مش من الراجل بقى و لكن من ربنا 

فلما بتكون نيتك وحشة ربنا بيكرمه باللي تعوزه راجل مش فلوس و بيسهل ارتباطه بيها و بيبارك فيه جداً 

———————

فمتتذاكيش