في الوقت اللي الناس بتلبس و تتشيك و تتلون و تتغير و تحلو عشان تعجب، بشوف ان الستات اللي عاجبها أصالتها محدش بيعصى عليها ولا بيصمد قدامها 

الأصالة أشيك من كل حاجة بتحاولي تظهرها مش حقيقية عنك 

عشان تفهمني تعالى الأول أقولك تعريف الأصالة 

الأصالة هي الدرجة التي تتوافق فيها أفعال الفرد مع معتقداته ورغباته، على الرغم من الضغوط الخارجية

حطلي مليون خط تحت جملة " على الرغم من الضغوط الخارجية " 

المنتجات و الأفكار و اي حاجة تريندي تعتبر من الضغوط خارجية 

معتقدات و أفكار آبائك تعتبر من الضغوط خارجية 

مشاعر الناس السلبية تجاه أصالتك تعتبر من الضغوط خارجية 

محاولات أي حد لتغييرك تعتبر من الضغوط خارجية

الخ الخ الخ 

القائمة تطول في موضوع الضغوط الخارجية ده للدرجة اللي بقى الناس يتوتروا و يخافوا و يتهزوا و يتبهدلوا لو شافوا حد أصيل 

و ده ببساطة لأنه بيكشف عدم توافق أفعالهم مع معتقداتهم و رغباتهم بسبب إنهم استسلموا للضغوط الخارجية