اختياراتك الحياتية محدودة ..

بص حبيبي 

لما تكبر و تنضج هتلاقي ان اختياراتك في الحياة مهما كترت فهي محدودة ما بين 

١- مال و خدمة

٢- ارتباط عاطفي و انتماء

٣-ترفيه و اهتمام بالنفس 

 مفيش اي حاجة هتعملها هتطلع بره ال ٣ كاتيجوري دول 

يا بتشتغل عشان تجيب فلوس او لو معاك الفلوس فهتشتغل عشان تحس بالانجاز و تخدم الناس و يحصلك اشباع نفسي في الاتجاه ده

يا بترتبط عشان تعيش الرومانسية او تستقر عاطفياً او تأسس بيت و أسرة و لو مش عايز تعمل ده مع بني آدم هتربيلك حيوانات  

يا بترفه عن نفسك عشان تفك و تتبسط من حياتك المسؤولة الجادة ، يا واخد الترفيه شغلانة اصلاً و بتجيب منها فلوسك سواء سفر او فن بجميع أنواعه او سيرك و اي شو من اي نوع … الخ

————————

صدقني مفيش اي صنف حاجة بتعملها في حياتك هتخرج بره ال ٣ كاتيجوري دول، الفن كله في اختياراتك المناسبة لشخصيتك و اللايف ستايل اللي تحب تعيشه 

فلما بتتمرس شويتين تلاتة في الحياة، بتحب تعملها 

Dimensions

زيادة 

بالظبط زي لعبة بنك الحظ او 

Monopoly  

اشتريت البلد، طب عايز جراچ، لأ هبني اوتيل، بقولك ايه ما تاخد البلد بتاعتي و تديني بتاعتك، طب ما ابني محطة بنزين … الخ 

——————

بنفس المبدأ

اللي اتجوز و حب الجواز، معندوش مشكلة يعدد 

اللي خلف و حب الخلفة، بيدور ع العزوة و عايز زيادة 

اللي ربى حيوان أليف، عايز يشوف عياله و عيال عياله

اللي بدأ مشروع و اتبسط بيه و نجح معاه، عايز يفتح برانش و اتنين و يبدأ يبيع فرانشايز

و اللي نجح في تصنيع حاجة عايز يفتح مصنع و يجيب عمالة 

اللي قدم محتوى سواء غناء، تمثيل، فن بجميع انواعه، او حتى مجرد شو، و بسط شوية ناس و اتبسط هو كمان، عايز يوسع دايرة شهرته و يقدم اكتر 

اللي خرج في المكان الفلاني و عجبته الخروجة، عايز يجرب المكان العلاني 

الخ