من المشاكل اللي بتقابل ناس كتير بعد الجواز في الحياة الجنسية ان رغبة الطرفين متكونش متساوية
يقعد هو يقولك مبتستحملنيش و مش قادرة على طلباتي و يقول عليها باردة و سمكة ميتة و حجات كتير بنفس الشكل
لكن السؤال
هي مفيش ستات عندها نفس الشكوى ؟
في … و كتير كمان
بس تقولك بيعمل ده كنوع من الواجب و نفسي يحس بيا و الموضوع يكون فيه مشاعر مش مجرد تأدية و خلاص
حلو ؟
طيب هنا الغلط فين ؟
الغلط ببساطة هو الاعتمادية
احنا بدل ما يكون عندنا حياة و عندنا مشاعر و عندنا مزاج و كيف و عندنا صحة عموماً
بنروح نطلب كل ده من العلاقة الحميمة
أيوة زي ما سمعت كده
فييجي الراجل مضغوط نفسياً من الشغل و مبيعملش حاجة في يومه غير الشغل و يروح يفرغ ضغطه في العلاقة !!
وللا يبقى فاضي و قاعد في البيت دايس فيها رايح جآي بيتسلى !
و تيجي الست محتاجة تحس بمشاعر جوزها تفضل تتوقع انها تحس ده من خلال العلاقة !!
وللا عايزة تحس بأنوثتها تستنى تحس ده بردو من خلال العلاقة !!
فبنحمل العلاقة حمل مش بتاعها خاااااالص و بنستنزف طاقة بعض
كل مشاكلكوا النفسية و مشاكل اللايف ستايل بتاعكوا تتحل قبل ما تلمسوا بعض
أو تكونوا من المودة و الرحمة و القدرة على التواصل اللي يخليكوا تصبروا على بعض وقت الشدة على أساس هييجي وقت رخاء
انما تبني شكل ثابت للعلاقة و مبيجيش وقت للروقان ولا رخاء و تحصل العلاقة كأنها دواء للمشاكل مش طريقة للتعبير عن الحب و الرغبة و الاشتياق
كده بنعك
2
-2
