غلط جداً متقدرش خبرة اللي قدامك 

عارف يعني ايه ؟ 

يعني لما تعرف انه سابقك بتجربة حتى لو من نفس سنك او أصغر 

احترم كونه سابقك بالتجربة 

لأنه بقى عنده وعي بحجات وارد جداً هو نفسه ميعرفش يوصفهالك بكلام 

متفتكرش انك بتتفضل عليه انك تكون في حياته من بعد التجربة و الألم لأن الخبرة أغلى بكتير جداً م الفلوس 

بل الخبرة هي اللي بتجيب فلوس 

مثال : ممكن اتفادي ادخل معاك في علاقة انا عارفه انها هتكلفني فلوس في الوقت اللي انت بتحلف بالله انك هتزودهالي مش هتنقصها 

دي خبرة 

ممكن اتفادى أضيع وقت معاك في كلام ملوش معنى و استغل وقتي ده في حجات تانية عميقة و ليها معنى كبير بيغير مني للأحسن

دي خبرة 

ممكن اتفادى آذاك او ارد بأذى اشد دفاعاً عن نفسي لأني اتعرضت لمواقف تخليني أشم الأذى ده من بُعد في الوقت اللي انت بتطبطب ع الوحش و بتقنع نفسك انه مبيعضش 

دي خبرة 

فمتثقش في ذكائك لوحده قصاد خبرة غيرك … الخبرة دايماً أشد