في أول السنة كنت بجيب فلوس حلوة أوي و لمدة ٤ شهور تقريباً كان في ثبات في الدخل خلاني أكون فكرة حقيقية عن البيزنس بتاعي 

بعد ما طلعت التريندات و بدأ الناس يلتفتوا كان قدامي اختيارات ضروري أعملها 

١- يا أهدي اللعب و أخليني في ملعبي عشان أفضل على نفس الثبات من حيث المكسب 

٢- أغير استراتيچية الشغل و استفيد من كون الناس التفتت 

و كالعادة مبعملش اختياراتي بناء على المادة فالأرباح حالياً مقارنة بأول السنة مش محصلة ١٠٪؜ ????????????

و ده عشان بدل ما كان ال 

One to one sessions 

هي مصدر الدخل الرئيسي 

بقت السوشيال ميديا هي المصدر الرئيسي 

و بما ان عمري ما اهتميت بيها كشغلانة و كانت بالنسبالي مجرد بروباجندا لشغلي الأساسي في ال 

One to one sessions 

الا ان بحسبة بسيطة 

انتي هتطلعي سوشيال ميديا ڤيديو ٣ دقايق كل يوم او لايف نص ساعة تتكلمي مع بحر ناس  

بدل سيشن ساعتين مع عميل واحد 

فالسؤال ايه في الاختيارين دول مفيد للبيزنس أكتر ؟ 

= الاتنين مفيدين … واحد بالفلوس و التاني بالتوعية 

- بس ده هيآخد من وقتي و اللايف ستايل بتاعي كتير

= يبقى أكيد انك تتكلمي مع كل الناس و توعيهم 

- فل بس ده مش هيخلي الفلوس زي الأول خالص ! 

= بس على المدى البعيد هتبقى أحسن م الأول بمجهود ووقت أقل كمان 

————————-

بنبص للاستثمار في معظم الحجات على المدى البعيد … مبنبصش تحت رجلينا خالص 

يعني لو الاستثمار مالي … فأنا عيني أوصل للحرية المالية 

لو الاستثمار بيزنس …. فأنا عيني أوصل لأكتر إفادة بأقل مجهود و وقت 

لو الاستثمار علاقات …. فأنا عيني أوصل لعلاقة تدوم بالخير و الود 

لو الاستثمار منتجات …. فأنا عيني أوصل لحاجة تفيدني سنين قدام مستخدمهاش مرتين و اركنها 

و هكذا.