حبيت الفيلم جداً

مشكلة الطرق الغلط انك بتضطر ترجعها خطوة خطوة 

 شخصية منى ذكي فيه بنت مش مأڤورة في التدين و لكن جواها روحانية مصدقة انها هتوصل بيها لمكان كويس و قد كان  

شخصية قوية حصيلة خبرات و مواقف و ناس و شغلانات و مشاعر و مصايب و حجات كتير أوي مخلياها و رغم انها مش أحلى بنت في القصة لكن ليها سحر خاص يعجب أي حد بيفهم 

إختبار شديد لصدق النوايا خلاها ملهمة لكل اللي مروا عليها في القصة 

مع ان كان ممكن متحكيش لحد خالص انها رايحة تحج بس تلقائيتها و بساطتها و تصرفاتها العفوية و فلتان لسانها و حكاويها هنا و هناك مخليها قريبة من القلب و بياعة شاطرة و بنت سوق و مؤثرة 

من أكتر الشخصيات اللي بحب أتعامل معاهم هما الناس اللي لفت لفة محترمة في الطريق الغلط و رجعته خطوة خطوة

و اللفتة الجميلة ان منفعهاش على مدار الحكاية غير الناس اللي حبوها حب حقيقي 

و كأن كان ضروري تختبر كل علاقاتها قبل ما تطلع الرحلة الروحانية دي عشان تكتشف مين حقيقي و تسامحه من مين مينفعش تفضل على علاقة بيه تاني.