اثناء كتابة ورقة الامنيات تعجبت من كتابة البعض لامنياتهم مثل انا عايزة اطلق من زوجي !!؟

واخري انا عايز اخلص من جاري ؟! وكلام غريب يحول الامنية الي معصية وذنب .. لذلك رجعت لمقالي الذنوب الطائرة للتذكرة للجميع عن افعال تسبب اللعنات وهي كالاتي :

- ذنب سواق ماشي بغباء ف شتمته.

- ذنب دكتور رخم عليك فـ امتحان ف شتمته.

- ذنب بتاع دليفري اتأخر وانتي جعان ف شتمته.

- ذنب اي واحد ع التلفزيون بيقول كلام مش ع مزاجك ف شتمته.

- ذنب لاعب كورة ضيع هجمة ف شتمته.

- ذنب شوية عربيات ف زفه عامله إزعاج كلاكسات ف شتمتهم كلهم.

- ذنب دكتور كتبلك علاج بيقلب بطنك ف شتمته.

- ذنب اي واحد شوفته ف الشارع بيعمل تصرف معجبكش فشتمته.... إلخ

ذنوب ذنوب ذنوب....المشكلة اننا بننسى!!

ننسى إن هناك ملكين ورانا بيكتبوا كل صغيرة وكبيرة ! .. "ما يَلفظ من قول إلا لديه رقيب عتيد".. احنا بننسى نستغفر الله .

كأن صحيفة الواحد كلها سوف تملأ بهذه التخاطيف التى ملا تأتى على البال .. فكرة مُخيفة جدا لما تعرف ان هؤلاء الناس كلها سوف تاخد حقها منك يوم القيامة!

"إذ تلقونه بألسنتكم وتقولون بأفواهكم ما ليس لكم به علم

وتحسبونه هيناً وهو عند الله عظيم" 

الشتائم من الطاقات السلبية التى تؤثر على الشخص وعلى المكان باللعنات مما يقلل من البركات .. لا تكن شتامآ حتى لا تسقط,فى اللعنة وتلقى أثاما.. ثم تسأل أين البركة?! أين النعمة ?! لقد ضيعتها منك .. تعالوا اشرح لكم بعض النماذج والشخصيات كيف فعلوا هذه الذنوب في حياتهم يمكن تكون مش واخد بالك وربنا يهديك .

شاهد الفيديو 

دكتورة #مهاالعطار #ملكةالطاقة