كابتن طارق محروس المدير الفنى للأهلى أقيل بناء على طلب الجماهير ،، وده شىء وارد فى أى لعبة وفى أى نادى ،، المشكلة أن كتير على مواقع التواصل شغالين سخرية منه وتشكيك فى قدراته كمدير فنى متميز .. كابتن طارق واخد برونزية كأس العالم مع منتخب تحت 21 سنة 2019 ،، واخد بطولات محلية منها كأس مصر مع طلائع الجيش ،، وواخد مع الأهلى كأس إفريقيا السنة اللى فاتت ،، للأسف وصل الأمر أن فى عناوين طلعت إقالة المدرب الفاشل ! وتعليقات أنه مبياخدش بطولات ،،، ودى مشكلة اللى مش متابع .. يعنى أنا فاكرة أنه واخد كأس مصر السنة اللى فاتت مع الأهلى .. وخسر الدورى السنة اللى فاتت فى مباراة فاصلة بفرق هدف ،، طيب فين المشكلة ،،، لما الزمالك فيه ٧ لاعبين تقريبا من المنتخب يحيى وسيف الدرع ووسام سامى وحسن قداح وكريم هنداوى ومحمد طارق وأكرم يسرى أحمد مؤمن صفا وبكار ويقودهم الأسطورة أحمد الأحمر ... معنى كده أنه بيلاعب نصف المنتخب ،،، شباب ووسط وكبار .. فالأهلى لو خسر فى اليد مش لأن فريقه ضعيف لكن لأن فريق الزمالك أقوى ،، مشكلة الجماهير بيقيسوا كرة اليد على كرة القدم ،،، وييجوا يتكلموا عن اليد يحودوا على القدم ..
لماذا الهجوم علي طارق محروس ؟!
- 🔻
-
- بقلم: أسماء محمود كاشف
- ◀️: مدونة أسماء كاشف
- الزيارات: 294
- رقم التوثيق: 1899
مينفعش تجيب مدرب كبير زى كابتن طارق و تدعيم الفريق مش بنفس مستوى المنافس وبعد كده يقولوا المدرب فاشل ،،
الناس بتنادى بمدير فنى أجنبى أسوة بالزمالك حقهم ،،، بس السنة اللى فاتت كابتن حسين زكى وكابتن حسن يسرى محققين مع الزمالك الدورى ،، قبلهم كابتن مجدى أبو المجد محقق دورى .. طيب ليه أقالوا الجهاز الفنى ؟ وجهة نظر لجنة كابتن حسين لبيب ،، وكمان الناس نسيت أن الأهلى كان له مدير فنى أجنبى ٢٠١٩ ومع ذلك الزمالك كسب دورى اليد ، بالمدير الفنى المصرى ..
المصرى مش أقل من الأجنبى بالعكس كابتن حسين زكى عمل كل شىء وحافظ على قوام الفريق وأنجز فى وقت عصيب .. وراح يدعم الفريق فى ماتش السوبر بعد إقالته ..
كابتن طارق محروس مدير فنى محترم ومحقق إنجازات وحقيقى مذهولة من كم تعليقات متعرفش تاريخه كمدرب بتتكلم عنه كمدرب جديد ولا كمدرب فاشل .. واحنا محتاجين ١٠٠ سنة علشان نفهم الفرق بين الحرية والفوضى ..
2
-2
