موقف ضايقنى فى لجنة الإعدادية ، طلعت السنة دى مساعد مش ملاحظ ، لأنها مدرسة طلابها عايزين إصلاحية السنة دى الإدارة بعتت قوة كبيرة ٩٨ ملاحظ ومراقب وكترت المعلمين الرجال علشان شغب الطلاب ،وبكرة إذا أحيانا الله انتهاء الامتحانات فى حضور الشرطة ، طبعا المعلمين مش عايزين توصية اللى عايز يقعد أمن وميطلعش لجنة واللى يتأخر علشان يدخلوا الاحتياطى وييجى هو يستريح ، واللى يعترض اشمعنا اطلع مكان فلان وهو موجود ؟ أصله بياخد الغياب ، أصل بيفتش الطلاب ويطلع الموبايلات ، أصل علان ..... واللى يختفى وقت ما اللجان تطلع .. عدد الغياب من تانى يوم يزيد ، كنت كل ما أمر علشان أشوف اللجان فى المبنى التانى ألاقى أستاذ قاعد لوحده بالسبحة ، سلام عليكم
.وعليكم السلام .. أطلع وانزل مش موجود ، راح فين ؟
المراقب فى اللجنة أمبارح لقى الغياب زيادة والناس بتعترض أنهم طالعين لجان ، لدرجة المعلمات قالوا مش هنطلع إلا لما تطلعوا كل المعلمين اللى عندكم ???? هن بيبصوا له ولغيره إنهم قاعدين وهم مطحونين فى الملاحظة ، أقنعناهم وطلعوا ،، المراقب قال فى ناس بتستخبى وقت توزيع الاحتياطى .. قلت له قصدك الاستاذ اللى بيقعد عند المبنى التانى ؟ قال أيوه أنت لاحظتى .. ؟ قلنا غير اللى بيقعدوا أمن .. المهم شوية هو عثر عليه ، ورئيسة الكنترول شافته وشافت زميله سألتهم عن أسمائهم .. زميله أول مرة يقعد احتياطى ، لكن الأستاذ معندوش لجنة ... خدت الاسم ودخلت اسمه اللجنة اللى بعدها ..
زميلتنا المساعدة بعد شوية سألت عن الاسم قلنا لها أستاذ فلان ، طلعت الكشوف ده من المدرسة اللى جنبنا ، ولقتها بتقول أن بنته كانت فى الإعدادية وماتت الترم اللى فات ???? وأنه كان زميل لهم فى المدرسة القديمة ???? وأتأكدنا من زميله أنه هو فعلاً ????
ساعتها أتضايقت قوى هو أنا ليه بتكلم وأقول تقصد س ولا ص ؟
صحيح شغلى ، لكن محدش يعرف ظروف التانى ، ولا أوجاعه .. الناس لها الظاهر ، والتفاصيل والآلام لصاحبها ????
2
-2
