موضوع حابة اتكلم فيه مع حضراتكم فى الشهر الفضيل ... شهر رمضان تكثر الأسئلة والتدخلات الغير منطقية مع ال single سواء رجل single أو امرأة ...( ياترى هتفطرى / هتفطر مع مين النهاردة ... ياخبر ده احنا فى رمضان.. وهتفطرى لوحدك وتبدأ مصمصة الشفايف والصعبنة الفارغة ???????????? ) 

ياريت تتركونا وشأننا اعلم جيدا من بين اصدقائي رجال وسيدات فضليات مابين أرامل أو مطلقين ومطلقات .. ممكن انا شخصيتى بتقبل الكلام ده برد رد ديبلوماسي غيرى لا يتحمل الأسئلة دى وبتوجعه ... ومش بيقدر يدارى ظروفه وفيه بيتجرح ومش بيتكلم ويضحك ويهرج ويظهر غير ما يبطن لانه لا يحب الضعف والصعبنة ... انا مثلا بقدر ظروف اولادى وبيوتهم وارتباطاتهم وبخللى حياتهم تمشى بطريقتهم وانا مربياهم ومعوداهم انى اليد العليا هم من يحتاجون لى وليس العكس والحمد لله الدنيا جميلة وسهلة بدون عقد ولا تلاكيك .. غيرى مايقدرش على كده .. ارجوكم ارحمونا ... وبعدين ما احنا طول السنة بناكل عادى جدا رمضان مش اكل ولمة ... الموضوع ده انقرض بانتقال آباءنا ... رمضان صيام وقيام ومناسك روحانية جميلة ... 

من فضلكم تنبهوا للموضوع ده لانه حساس جدا .. 

انوش