????????????????????
- آلو مساء الخير .. حضرتك عارضة عربيتك للبيع ؟
= أيوه تمام
- فيها إيه ؟
= مفيهاش حاجه ! .. واحده عايزه تبيع عربيتها فيها إيه دي!
- يافندم العربية العربية فيها إيه ؟
= آآه .. فيها أربع شبابيك ودركسيون وكراسي و و........
- يافندم إيه اللي حضرتك بتقوليه ده؟
أنا قصدي العربيه نفسها من جوه فيها حاجه؟
=كان فيها علبة عصير مرميه ورا شربتها الصبح ..
بس هشيلها متخفش !!
- عصير إيه حضرتك متعصبنيش بقى..
هسألك السؤال بطريقه تانيه ؟ ..
العربيه فابريكا ؟
= لأ..... لانسر
- لانسر إيه يا أستاذة
قصدي فبريكا يعني معملتش حادثة قبل كده؟؟؟
= إيه اللي أنت بتقوله ده ..
أنت شايفني لسه بتعلم سواقة....؟!
- طب تمام حلو جدا .
= بس للأمانة مره كنت بركن ع الكورنيش
فنزلت بيها في النيل .. بس لما طلعت نشفتها كويس والله !!
- سبحان الله إنها طلعت سليمة أساسا ..
طب هي عامله كام كيلو؟
= معرفش والله ماوزنتهاش !!
- أستغفر الله العظيم يارب !!
=حضرتك بتتعصب ليه ؟
أنا أول مره أشوف حد بيسأل عن وزن عربية ؟
- وزن إبه ؟
خلاص يا فندم مش عايز أعرف خالص .. !!
= أحسن !
- طب بصي عشان نخلص ..
و مستعد آجي أخلص النهارده ..
آخرك كام بما يرضي الله ؟
= بما يرضي الله آخري عشرة بالليل ...!!
- هو إيه اللي عشرة بالليل؟!
= عندي شغل الصبح والله
- شغل إييييه يافندم هتجنني أمي !!
بقولك إيه إديني جوزك أو أي حد فاهم أكلمه ؟!
=أوكي أوي استنى .. !
احمااااااد …
خد كلم مشتري بس شكله ملوش في العربيات خالص !!
- يا أستاذ أحمد أرجوك انقذني المدام عندك جننتني !!
+مساء الخير..
معلش حضرتك عارف الستات بقى ملهمش في العربيات وكده .. أنا معاك أهو اتفضل !!
- حضرتك شكلك فاهم ياريت تقولي العربية فيها إيه؟
+فيها أربع شبابيك ودركسيون وكراسي وووو.....……
*صوت مراته من بعيد
والله قولتله نفس الكلام !! ????????
د. عزة محمد بركة
محمد محمد جاد محسن
رشا ماهر يوسف علي سالم
هبة حليم عزيز شعبان
د.خليل السيد خليل محمد
د. نهى فؤاد محمد رشاد
زين دومه عبد العاطي الابوز
يوستينا الفي قلادة برسوم
د. عبد الوهاب المتولي بدر
د. نهله عبد الحكم احمد عبد الباقي 
حنان صلاح الدين محمد أبو العنين 
زينب حمدي 
د. محمد عبد الوهاب المتولي بدر 
ياسر محمود سلمي 
د. شيماء أحمد عمارة 
م. اشرف عبد الصبور الكرم 
5
-1
