اتربيت واتعودت من بباه الله يرحمه مهما الدنيا اغمقت بتيجى لحظة والنور بيملى الدنيا ... انا ليه بقول الكلام ده الظروف الاقتصادية والمادية اللى أغلبنا بيمر بيها .. خلتنا نبدأ نتعود ونتأقلم مع أوضاع جديدة علينا كلنا ... فيها تنازلات وشوية تقشف وتفكير قبل ما ناخد اى قرار معيشى .. ودى على فكرة أوضاع عادية جدا المجتمعات على مختلف الأزمنة بتمر بيها واكيد اللى سبقونا من اهالينا الاعزاء الله يرحم من رحل منهم ويبارك فى الموجود حكوا لكم أنهم مروا بظروف مشابهة .
نيجى بقى للنور اللى بيملى الدنيا حوالينا فى وقت الازمات هم الناس الرحماء على مختلف وظائفهم وتخصصاتهم وفئاتهم العمرية بيظهروا فجأة كجرس انذار .... بيقول ... الدنيا بخير ... احنا ربنا اوجدنا للمساعدة والمساندة والرحمة .. الناس دى عظيمة بطبعها عظيمة فى التربية .. عظيمة فى الاخلاق .. عظيمة فى التواضع والتواصل وعظيمة فى العطاء .
اتعودت كمان انى لا أجامل ولا اتكلم الا فيما يرضى الله وضميرى اجمل مثل وارقى وأعظم مثل كل يوم بتعلم منه وانا فى سنى ده صديقى الفاضل .. مش هقول عليه طبيب الغلابة .. لانه ليس طبيب الغلابة بل طبيب جميع البشر ... هقول الطبيب الانسااااااااان الرحيم وهذا ما يليق به صديقى الفاضل استاذ دكتور هانى بك الناظر Hany Elnazer ... يستقطع يوميا من وقته الثمين عدد ليس بالقليل من الساعات لتلقى اسئلة واستفسارات مرضاه واقاربهم وذويهم وجيرانهم ومعارفهم والناس اللى فى العزبة والدوار ووووووووووووووو دون كلل أو ملل ويتم كتابة روشتة بخط يده لكل حالة من خلال صفحته ... توفيرا لمبلغ فيزيتا العيادة وعدم الإجهاد بالزيارة ..
وحياتك يادكتور هانى بك مالاقية كلمة شكر توفيك حقك من اللى يشوفه على صفحتك ... غير انى اقولك دعوة بباه لك ربنا يمتعك بنعمة الصحة وبركة العمر ..
2
-2
