حوار دار بينى وبين السيدة المساعدة لى فى بيتى .. لم أكن أتوقع أن ما اقرأه أو أشاهده فى هذا الموضوع بهذه الصورة فكنت أظن أن به مبالغة ... لكن صدمتى أتت بعد حوارى معها فلديها من الأولاد أربعة ثلاث بنات وصبى .. وهى الان تجهز بنتان لاعدادهم للجواز .. ومن خلال حوارها أنها مديونة لعدة أطراف بمبلغ 170 الف جنيه وتطلب منى مبلغ ( خمسون ألف جنيه 🤫 ) يسدد من راتبها تباعا .. 

كل ده وانا قاعدة حاطة رجل على رجل ويشرب قهوتى وبسمع بصمت رهيب ... ليه بقى ياست انت الديون دى كلها بدأت تحكى جايبة لكل بنت 24 عباية للبيت وزيهم للخروج و12 طقم ملايات برضه لكل واحدة و36 فوطة ... انا وصلت معاها لحد كده وكنت هدلق القهوة على وشها ليه كل ده ايه الاعداد دى كلها وقبل الحوار ده بشهر تقريبا قالت لى أنها جايبة لكل بنت غسالتين واحدة فوول اوتوماتيك وواحدة هاف اوتوماتيك ايوه والله ... وشاشتين تليفزيون لكل بنت ووووووووووووووو وبعدين عاوزة تستلف علشان الفوط والعبايات ثم ادعاء الفقر والعوز والاحتياج وأننا عالم جبابرة وظلمة لو رفضنا اقراضهم .... كارثة مجتمع نصاب ومصاب بالتخلف ..