مرحبا أنا وسام القادم من المستقبل.. في عصري الذي يحكمه مخلوقات حديثة تجمع ما بين ذكاء ودقة الآلات ومرونة البشر .. أنصاف بشر ..

عالمي مميز هادئ فيه تقنيات حديثة تحقق الأحلام .. تحقق الأحلام بالمعنى الحرفي للكلمة..

ابتكر أحد العلماء آلة تشبه الصاروخ يمكنها أن تخترق الزماكان وتنقلنا لآي عصر لآي مكان ..

قرأت كثيرا في كتب التراث عن شخص سابق عصره كان يقدم برنامجا على موجات الإذاعة يدعي يونس..

هذا الشخص خصص برنامجه لقصص الرعب والخيال العلمي .. لا اخفي عليكم وددت أن أقابله ..

أريد أن اعرف كواليس إعداده لبرنامجه .. هل يخاف مثل اقرانه أم انه اكتسب حصانه واعتاد الرعب فبالتالي زهد الخوف..

قررت زيارته على غير العادة

ففي هذه الآلة عدة خيارات التنقل بالزمن أو مقابلة مشاهير التاريخ ..

قررت مقابلته فكيف تتوقعون لقاءنا ؟

و غمضت عيني وارخيت جسدي على المقعد واحكمت ربط الحزام كي يثبتني في مقعد الصاروخ و.. تناولت عقارا لونه اصفر على جرعة واحدة وبدأ الخدر يسري في أطرافي ورحت في سبات نوم عميق وانطلق الصاروخ..

و

وجدتني أمام شاب وسيم يجلس خلف الميكرفون ويلقي على متابعيه قصة

أنصتت إلى طريقة إلقاءه وجذبني أسلوبه في الإلقاء حتى شعرت أنني انصهر داخل أحداثها المفزعة وبدأت دقات قلبي تزداد وأنا اردد

ياله من ماهر كيف استطاع فعلها ..

بمجرد أن انتهى من فقرته لم اشعر بنفسي إلا وأنا اصفق له بقوة

انتبه كل من بالاستوديو لوجودي .. أشار لي أن اقترب

اقتربت منه مهرولا

قال : انت مين؟

قولت : وسام

بتعمل أيه هنا وازاي دخلت فين التصريح بتاعك

قولت : مش معايا تصريح؟

 قال: ازاي دخلت من غير تصريح

أنا جابلك من المستقبل

ضحك : مستقبل

احنا هنهزر

بجد والله جاي من المستقبل

طيب وعايز أيه

عايز اقولك أن نص اللي ذعته في برنامجك أتحقق

 قال : أزاي

هقولك : أنت اتكلمت عن التعديل الجيني وحصل

اتكلمت عن السفر بالزمن وحصل

اتكلمت عن التحكم بالوقت ، في الطقس وحصل

 انا جاي اقولك لولا برنامجك مكنش علماءنا لقوا مادة يبدأوا بيها التنفيذ تنفيذ مشارعهم المجنونه الحالمة

 قال لي: وايه اللي يثبت اللي بتقوله ده

أنا ذات نفسي اثبات ؟!

 انت سألتني دخلت ازاي؟ انا هقولك، انا دخلتلك من حلمك

 قال لي: أنت مجنون أكيد

 قولت: لا،، ده حقيقي طيب حاول تفتح عينيك كده

 قال : مش قادر

 قولت : طيب بص اقولك على قصة برنامجك الجديدة اللي فكرتها لسه بتدور في مخك

قول

أنت عايز تتكلم عن الأرواح الهائمة أرواح الناس المقتولة العالقة بين السماء والأرض

بصيت له واستغربت فعلا لان ده اللي بفكر فيه فعلا

أنت ساحر صح؟

لا أنا مسحور بيك

يونس بقلق : طيب ابعد عني كده وأنت بتتكلم

ضحكت وقولت له :

تحب اعمل أيه تاني علشان تصدقني

 قال :متعملش انا اللي هعمل

 قولت : ا ستنا بس استفيد مني طيب

قال بعد تفكير : والله فكرة

عايز اعرف هيحصل أيه كمان 100 سنة

 قولت : كمان 100 سنة هتقوم حرب عملاقة بين عالمين عالم الجن وعالم البشر . تخيل حرب تقوم بين البشر بعقولهم وتقدمهم العلمي والجان بقدرته الخارقة للطبيعة .. في حادثة مكتوبة في كتب التاريخ بتقول أن الجان عرفوا ان البشر متمركزين حوالين البحار لانه مصدر رئيسي للطعام ودليل جغرافي ثابت راح الملك محرز ملك الجان الاحمر امر رعيته بنقل البحار من مكانها لسطح القمر .. صحي البشر الصبح لقوا نفسهم تايهين في الصحرا وفضلوا كده لحد ما هلكوا .. وملوك الجان السبعة تآمروا على بعض وقضوا على بعض مفضلش منهم غير ابناءهم الزهروين انصاف بشر وانصاف جان.. ناس ليهم قدرات خاصة علشان كده نجوا

يعني الناس اللي نصهم جن واللي نصهم بشر اللي انتم بتسموهم زوهريين دول اللي عاشوا وعمروا باقي ال 100 سنة

والدنيا هتتغير دول هتختفي ودول هتتوجد

 بعد ما خلصت ال 100 سنة بتاعتهم لازم الكون يجدد نفسه فقامت حرب تاني بينهم وبين الالات وهكذا

 قال يونس : طيب وايه كمان

  قولت : هيفضل كل 100 سنة يتغير العالم لحد ما توصل لحقبتنا انصاف البشر وأنصاف الآلات،، بس العالم رايح لمكان حلو ..

عالمنا بيحقق المستحيل

يونس لسه مش مستوعب

 قال : طيب وأيه جابك هنا وعالمكم زي ما بتقول كده

 قولت : هتصدقني لو قولتلك جاي اشوفك جاي اشكرك

جاي اتصور معاك للتاريخ علشان لما ارجع لعصري اقولهم انا قابلت الاسطورة اللي فضلت باهره الناس طول العمر

 يونس بتواضع: يا سيدي شكرا وايه تاني

 قولت : مفيش عايز اقولك أن أنا آه نص بشر ونص اله بس كمان نص مصاص دماء وجاي علشان العنك وأخليك مكمل معانا لكل الأزمان وان دي مهمتي اللي متكلف بيها

وانقضيت عليه وعضيته في رقبته مالحقش يتحرك ولا حد من اللي في الاستديو لحق ينقذه ..

 فضل يونس ينتفض شوية السم بيسري في دمه وبعدين فضل نايم مكانه شوية وأنا فتحت الباب وخرجت وسط ذهول كل الناس الناس جريت عليه يطمنوا عليه لقوه فتح عنييه وبقت عنيه بيضا خالص انقض على واقرب واحد ليه وعضه وسابه وانقض على اللي بعده واللي عضه صحي وعض اللي جنبه وهكذا حتى تحول كل اللي في الاستديو لمصاصي دماء

و فتحنا باب الاستديو وانطلق فريق يونس ينشر الرعب في المكان وبقا فعلا ملك الرعب بحق وحقيقي وأنا رجعت لعصري وبلغت القيادة بان المهمة تمت بنجاح.

أمل زيادة