وليه صبري عليك طوّل 

ومتحمل كتير ياما

وجوا جفوني متخبي  

دموع حيرة على ملامة 

بحبك بس مش حاسس

بأي إشارة وعلامة

وطعم الحب جوايا بطعم الصبر

يمر بمر من مروا بلا سلامة

وبسأل كل يوم نفسي بألف سؤال

صحيح جواه حنين ليا؟

صحيح بيخاف في يوم ابعد؟

ونفسه في يوم يكون كالبدر وينور لياليا؟

وصادق أد ما بيوعد!

ووعده كأنه سيف قاطع 

لكنه بدون شعور منه

قطع للصبر كل حبال بتوصل قلبي وعينيا

بخاف منه 

وبرضو كتير بخاف ل في يوم يروح ما يجيش

وباسأل نفسي ..كيف راح اعيش

حبيبي خلاص انا قلبي

عليك اعتاد يقول في عينيك

وما يخبيش

يقول أسرار ويحكي كتير عن الذكرى

وعن أيام عاشت فيا وفيها بعيش

وعن أحلام بعيشها معاك على أرضي

لكن خطواتي برة الحلم ما بتمشيش

فماتلومنيش.