عارف .. لما الحياة تديك عدو صديق

ورغم الإختلاف بينكم لكن حاسك 

لقلبه رفيق

ورغم الزيف بيجمعكم شعور مدفون 

بيجبر كسر إحساسك

يعيش جواك كأنه شقيق

لكن دايما .. هناك في الضلمة مدفونلك

شعور تاني يقولك .. فووق

دا مهما كان بيحملّك من الذكرى

لكن برضو في قلبه حاجات تخاف منها

ما تتخيّلش يوم يصبح 

لشمس حياتك الغاربة أمل وشروق

فتستسلم لسوء ظنك

وتبعد عنه من تاني

ويجمعكم لقا تاني

تشوف خوفه على ضلك 

لَخطوة رجله يوم تئذيه

وبرضو كمان تشوف جواه 

شعور بالكره متداري لكنه ماليه

وتحتار فيكم الدنيا

ما هيش عارفة 

تسجلكم في كراسها صحاب أغراب

سقيتكم من مرار كاسها 

ملتكوا عتاب

أو الأفضل ... تسيب السطر 

بين أساميكوا .. كدا فاضي 

بدون تعليق!!